இப்பொழுதெல்லாம் திரைப்பட விமர்சனங்களில் 'எதார்த்தம்' என்கிற வார்த்தையை அடிக்கடி கேட்க முடிகிறது.குறிப்பாக கிராமப்புறம் மற்றும் மதுரையை சார்ந்த கதைகளிலும்,அந்த வகையில் பார்த்தால் இந்த படத்திலும் 'எதார்த்தம்' நிறையவே இருக்கிறது.வழக்கம் போலவே மிஷ்கினின் பேசும் படத்திற்கு வசனங்கள் கொடுக்கப்பட்டிருக்கிறது.திரைக்கதையால் ஆரம்பம் முதல் இறுதி வரை சரியான வேகத்தோடு செலுத்துகிறார் மிஷ்கின்.அவ்வப்போது பின்னணி இசையும் நம் இதயத்துடிப்பை அதிகரிக்க செய்கிறது.இதுவும் மிஷ்கினின் சிந்தனையாகத்தான் இருக்கவேண்டும்.இவர் படங்களில் எல்லோரும் ஒன்றை கவனித்து இருக்கலாம்,அதாவது வயலின் மட்டுமே பிரதான இசைக்கருவியாக இருக்கும்.அந்த வயலின் கூட மிஷ்கினின் சிந்தனையை எதிரொலிக்கிறது.ஒவ்வொரு காட்சியிலும் நிறைய நுணுக்கங்களை கையாண்டிருக்கிறார்.
இந்த கதையின் நாயகர்களை கண்டுபிடிக்கும் பொறுப்பு சேரனுக்கு கொடுக்கப்படுகிறது.சேரன்-சமுதாய பார்வையுள்ள நல்ல இயக்குனர்.அந்த கிரிடத்தை கழட்டி வைத்துவிட்டு மிஷ்கினுக்கு முழு ஒத்துழைப்பு கொடுத்து அவர் எதிர்பார்ப்பை பூர்த்தி செய்திருக்கிறார்,கூடவே நம்முடையதையும்.மிதமான வெளிச்சமும் இசையுமே நிறைய காட்சிகளை புரியவைக்கிறது.இதுகூட ஒரு வகையில் மக்களின் திரைப்பட அறிவை வளர்க்க கூடியதாக இருக்கிறது என நினைக்கிறேன்.உடல் மொழியில் போலீஸ் அதிகாரிகள் என்றால் எப்படி இருக்கவேண்டும் என்று 'அஞ்சாதே'விலும்,எப்படி இருக்கிறார்கள் என்று இந்தப் படத்திலும் காட்டி இருக்கிறார்.இதுவரை சேரன் திரைப்படங்களில் அழுதுதான் பார்த்திருக்கிறோம்,இந்தப்படத்தில் அழவில்லை,சிரிக்கவும் இல்லை.சண்டைக்காட்சி கூட நம்மை சிந்திக்க வைக்கிறது.அமீர் அண்ணன்(பிடிக்கும் என்பதால் அந்த உரிமை) ஒரு பாட்டுக்கு ஆடலுடன் பாடியும் இருக்கிறார்(இனியொருமுறை அந்த தவறை செய்யமாட்டார் என்று நினைக்கிறேன்).நீண்ட நாட்களுக்கு பின் செல்வாவை(ஆத்தா உன் கோயிலிலே)காண முடிகிறது அதுவும் வில்லனாக.மற்றபடி மாணிக்கவிநாயகம்,ஒய்.ஜி.மகேந்திரன்,அவர் மனைவி,மகன்,டாக்டர் அனைவரும் தத்தம் பாத்திரங்களை அழகாக வெளிப்படித்திருக்கிரர்கள்.படத்தின் கதையை ஓரளவுக்கு கூறினால் கூட படம் பார்க்கும் ஆர்வம் குறைந்துவிடக்கூடும் என்பதால் 'க்ரைம் ஸ்டோரி'என்று மட்டும் கூறுகிறேன்.(அதான் தெரியுமே!!).மொத்தத்தில் 'எதார்த்தமாக' கூறினால் படம் எடுப்பதற்கும்,பார்ப்பதற்கும் செய்த செலவு திருப்தி அளிக்கிறது.நல்ல படங்களை பார்ப்பதும் அதைப்பற்றி எழுதுவதும் தவறில்லை என நினைக்கிறேன்.
நன்றி(மிஷ்கினுக்கும்)..
கருத்துகள் இல்லை:
கருத்துரையிடுக